Koi Hal na mile...

Kuch prashn hai Ankahe
jinka na koi hal mile,
kaha se lau mai jawab
koi kunji na mile.

Kuch Gunhah to aise hain
Jinka na koi gawah mile,
Maafi ho...ya saza
Per koi hal na mile...

Kuch Rishte aise hain
Jo Parat dar Parat khule,
Jitna samajhney ka kiye Jatan
Utne hi Uljhe hue mile....

Kya Zaroorat hai ,.hum khud jaal bune
aur fir khush hi mukti ki kaamna kare,
fir Buna fir Kata
Jeevan yu hi chala gaya.

Kya prayashchit se kabhi
Apraadh bodh hua kam..

kya mafi karne se mann ka mail dhul gaya,
prem taar toot kar gaanth se hi jooda gaya,

Es chita ki aag me..
tan nahi hai mann jala
Prem aur Vishwas sab hua swaha...
Ab is rakh me rishto ke pinjar hi mile,
koi tu ho jawab
koi hal na mile.....